“Rusiya Amerika ilə etibarlı əlaqələri davam etdirir. Vaşinqton Ukrayna böhranı da daxil olmaqla bir sıra əsas məsələlərdə Moskvanın mövqeyini eşidir və başa düşür”.

“sirin.az” TASS-a istinadən xəbər verir ki, bu sözləri Rusiya Xarici İşlər Nazirliyinin rəsmi nümayəndəsi Mariya Zaxarova deyib.

“Biz ABŞ ilə məxfi əlaqələrimizi davam etdiririk. Görürük ki, onlar bir sıra mühüm məsələlərdə bizi dinləyirlər. Biz inanırıq ki, verilən məlumatlara əsasən onlar müəyyən aspektləri daha da yaxşı anlamağa başlayıblar. Ukrayna böhranının əsas səbəblərini aradan qaldırmaq üçün alternativlərin olmaması ilə bağlı arqumentlərimizi indi daha yaxşı anlayırlar”, - Zaxarova qeyd edib.