YAP-çı deputat Anar Məmmədov Tərtər şəhərində şəhid Qəhrəmanlı Yaqub Abdulla oğlunun ailəsini ziyarət edib, ailənin qayğıları ilə maraqlanıb.

“sirin.az” xəbər verir ki, şəhidin ailə üzvləri ilə görüşən Anar Məmmədov vətənimizin ərazi bütövlüyü uğrunda canını fəda edən bütün qəhrəmanlarımızın xalqın sevimlisinə çevrildiyini və onların heç bir zaman unudulmayacağını bildirib.

Görüşdə şəhidin ailə üzvləri onlara göstərilən diqqət və qayğıya görə Prezident İlham Əliyevə və Birinci vitse-prezident Mehriban Əliyevaya öz  minnnətdarlıqlarını bildiriblər.

Qeyd edək ki, şəhid Yaqub Qəhrəmanlı Vətən müharibəsində Talış kəndi istiqamətində gedən döyüşlərdə ağır yaralanaraq uzun müddət koma vəziyyətində qalıb. Yaşat Fondunun xətti ilə uzun müddət İstanbul şəhərində İstanbul Medicana Hospitalında, İstanbul Cərrahiyə Xəstəxanasında və Dövlət Təhlükəsizliyi Xidmətinin Hərbi Tibbi Hospitalında müalicə alıb.