“Əgər heç bir irəliləyiş olmasa, ABŞ Rusiya-Ukrayna sülh razılaşmasının əldə edilməsinə vasitəçilik səylərini tərk edəcək”.

“sirin.az” xəbər verir ki, bunu ABŞ Prezidenti Donald Tramp Ağ Evdə jurnalistlərə açıqlamasında deyib:

“Tezliklə, bunu etmək istəyirik. Əgər heç bir irəliləmə görməzsək, biz sadəcə “siz axmaq və dəhşətli insanlarsınız” deyərək, kənara çəkiləcəyik. Amma ümid edirik ki, bunu etmək məcburiyyətində qalmayacağıq”.

Qeyd edək ki, ABŞ dövlət katibi Marko Rubio Parisdə Avropa və Ukrayna liderləri ilə görüşdən sonra bənzər açıqlamalar verib:

“Biz həftələr və aylar boyu bu səylərə davam etməyəcəyik. Ona görə də biz indi çox tez müəyyən etməliyik. Mən bir neçə gündən danışıram. Əgər bu mümkün deyilsə, bunun baş verməyəcəyi qədər bir-birimizdən uzaqdayıqsa, o zaman düşünürəm ki, prezident yəqin ki, “yaxşı, işimiz bitdi” deyəcəyi məqamdadır”.