Bakı Təşəbbüs Qrupu (BTQ) tərəfindən təşkil edilən “Kolonializm: milli-dini kimliyin silinməsi” adlı beynəlxalq konfrans çərçivəsində müstəmləkə rejimlərinə qarşı mübarizə aparanlara dəstək üçün fləşmob keçirilib.

“sirin.az” “Report”a istinadən xəbər verir ki, dünyanın müxtəlif ölkələrindən olan konfrans iştirakçıları dinc etirazlarda iştirak etdiklərinə görə Fransa hakimiyyəti tərəfindən həbs edilmiş Yeni Kaledoniya siyasi məhbusları ilə həmrəyliklərini ifadə ediblər.

Nümayəndələr onların mübarizəsini dəstəkləmək məqsədilə Yeni Kaledoniya siyasi məhbuslarının portretləri olan köynəklər geyiniblər.