“Sosial şəbəkələrdə yayılmışdı ki, hansısa məktəb direktoruna dini təhsil almaq üçün pul verirlər və məktəbə gəlmirlər. Dini təhsillə bağlı da qanunvericilikdə dəyişiklik edilməlidir. Harada dövlətin nəzarətindən kənarda olan dini təhsil varsa, onları da insan alverinin qurbanları kimi xarakterizə etməyə başlamalıyıq”.

“sirin.az” xəbər verir ki, bunu deputat Fazil Mustafa Milli Məclisin bu gün keçirilən plenar iclasında bildirib.

“Çünki biz dünyəvi dövlətin prinsiplərini tətbiq etməliyik. Uşaqların məktəblərdən və dünyəvi təhsildən uzaq düşməsinə imkan verməməliyik. Dövlət bu məsələni mütləq nəzarəti altında saxlamalıdır. Bu məsələ ilə bağlı DİN tərəfindən PA-ya müraciət edilərək qanunvericilikdə dəyişiklik təklifi olsa, bu sahənin də insan alveri kateqoriyasına aid edilməsinin təmin edilməsini mümkün etmək olsa, yaxşı olar”, - deyə millət vəkili qeyd edib.

Nuranə Daxilqızı