Dominikan Respublikasında gecə klubunun damı uçub, azı 18 nəfər ölüb.

“sirin.az” xəbər verir ki, bu haqda “Independent” nəşri məlumat yayıb.

Hadisə paytaxt Santo Dominqodakı “Jet Set” gecə klubunda baş verib.

Prezident Luis Abinader “X”də faciə ilə bağlı açıqlama verib:

“Jet Set gecə klubunda baş verən faciəyə görə dərin təəssüf hissi keçiririk. Hadisəni anbaan izləyirik”.

Təcili Əməliyyatlar Mərkəzinin direktoru Xuan Manuel Mendez bildirib ki, hadisə zamanı 120-dən çox insan yaralanıb. Xilasedicilər dağıntılar altında axtarışlar aparırlar:

“Biz güman edirik ki, onların bir çoxu hələ də sağdır və buna görə də dağıntılar altında bir nəfər belə qalmayana qədər işimizi buraxmayacağıq”.

Hadisənin hansı səbəbdən baş verdiyi hələlik dəqiqləşdirilməyib.

***

“Time” nəşrinin məlumatına görə, hadisə nəticəsində ölənlərin sayı 27-yə çatıb. Axtarışlar davam edir.

***

ABC-nin məlumatına görə, gecə klubundakı faciədə  azı 44 nəfər ölüb, 160-ı yaralanıb.

***

Dominikan Respublikasındakı “Jet Set” gecə klubunun damının uçması nəticəsində ölənlərin sayı 79-a çatıb.