Fövqəladə hallar naziri general-polkovnik Kəmaləddin Heydərov  Neft Emalı Zavodunun ərazisində baş vermiş yanğın yerinə gedib.

Bu barədə “sirin.az"in hadisə yerində olan əməkdaşı məlumat verib.

***

Bakı Şəhər İcra Hakimiyyətinin (BŞİH) başçısı Eldar Əzizov da hadisə yerindədir.

***

Nazirlər Kabinetinin (NK) Mətbuat xidmətinin rəhbəri İbrahim Məmmədov saytımıza bildirib ki, Baş nazir Əli Əsədov da hadisə yerindədir.

Qeyd edək ki, bu gün səhər Bakı şəhəri, Nizami rayonunda yerləşən Neft Emalı Zavodunun ərazisində yanğın başlayıb. Əraziyə FHN-in Dövlət Yanğından Mühafizə Xidmətinin qüvvələri, polis əməkdaşları, təcili tibbi yardım briqadaları cəlb olunub.