Gəncənin Gülüstan qəsəbəsində ölümlə nəticələnən yol-nəqliyyat hadisəsi baş verib.

“sirin.az” xəbər verir ki, hadisə zamanı “VAZ 2107” markalı minik avtomobili ilə “BakuBus” MMC-yə məxsus marşrut avtobusu toqquşub.

Nəticədə maşında olan bir nəfər hadisə yerində ölüb.

Qəza nəticəsində yaralananlar da var.

Faktla bağlı araşdırma başlanılıb.

***

Qəzada ölən şəxsin 19 yaşlı Qurban Cəbrayılov, xəsarət alanların isə 2004-cü il təvəllüdlü Ramin Quliyev və 2005-ci il təvəllüdlü Əli Abdullayev olduğu müəyyənləşib.

***

Gəncə Şəhər Birləşmiş Xəstəxanasından verilən  məlumata görə, saat 16:50 radələrində 2 nəfər (kişi) Gəncə Şəhər Birləşmiş Xəstəxanasının nəzdində olan Abbas Səhhət adına Xəstəxananın Təcili tibbi yardım şöbəsinə hospitalizasiya olunub.

2004-cü il və 2005-ci il təvəllüdlü şəxslərə sol bazu sümüyünün, qabırğaların və biləyin sınığı diaqnozları təyin olunub və zəruri tibbi xidmətlər göstərilib.

Vəziyyətləri orta ağır qiymətləndirilən pasiyentlərin müalicəsi Cərrahiyyə şöbəsində davam etdirilir.

Yunis Quliyev