Türkiyənin xarici işlər naziri Hakan Fidan ABŞ dövlət katibi Marko Rubio ilə telefon danışığı aparıb.

“sirin.az” xəbər verir ki, bu barədə Türkiyə XİN məlumat yayıb.

Bildirilib ki, söhbət zamanı Qəzzada atəşkəsin davam etdirilməsi və insani yardımların bölgəyə fasiləsiz şəkildə çatdırılması üçün atıla biləcək addımlar müzakirə olunub.

Tərəflər, həmçinin Misirin Şarm əl-Şeyx şəhərində imzalanmış atəşkəsin icrası ilə bağlı məsələləri də dəyərləndiriblər.

Görüşdə Suriyadakı vəziyyət, İranın nüvə proqramı ilə bağlı danışıqlar və Rusiya-Ukrayna müharibəsinin gedişi barədə fikir mübadiləsi aparılıb.