Türkiyədə “Thodex” adlı kriptovalyuta birjasını yaradıb minlərlə sərmayəçini aldatmaqda ittiham olunan Faruk Fatih Özer həbsxanadakı kamerasında ölü halda aşkarlanıb.

“sirin.az” xəbər verir ki, bu barədə “Haber Global” məlumat yayıb.

Məlumata görə, o bu gün səhər saatlarında birnəfərlik kamerasındakı hamamda ölü vəziyyətdə tapılıb.

Xatırladaq ki, F. Özer uzun müddət hüquq-mühafizə orqanlarından gizləndikdən sonra 2022-ci il avqustun 30-da Albaniyada saxlanılaraq Türkiyəyə ekstradisiya edilmişdi. O, “cinayətkar təşkilat qurmaq və idarə etmək”, “külli miqdarda dələduzluq” və “çirkli pulların yuyulması” maddələri ilə ittiham olunaraq 11 min 190 il 6 ay həbs cəzasına məhkum edilmişdi.

Hadisə ilə bağlı araşdırma başlanıb.