“Noyabrın 8-nə yaxın tarixlərdə Ermənistan artıq bizim şərtlərimizi qəbul etməyə hazır idi. Lakin əsas razılaşdırılmayan məsələ Şuşa ilə bağlı idi. Prezidentin bu məsələdə mövqeyi son dərəcə qəti və prinsipial idi: “Şuşasız bu məsələ həll oluna bilməz, Şuşa müzakirə mövzusu deyil”. O dövrdə Azərbaycan xüsusi təyinatlı qüvvələri artıq Şuşaya daxil olmuşdu. Şəhərin tam azad olunması və ərazinin təmizlənməsi prosesi isə təxminən iki gün çəkdi”.

“sirin.az” xəbər verir ki, bu barədə Azərbaycan xarici işlər naziri Ceyhun Bayramov İTV-də yayımlanan “Təmas xətti” verilişində danışıb.

Nazirin sözlərinə görə, sonradan Ermənistan hərbi birləşmələri geri alma cəhdlərinə baxmayaraq, artıq prosesin istiqaməti aydın idi:

“Noyabrın 8-dən etibarən intensiv təmaslar başlandı, 9-u səhər saatlarından gecəyə qədər danışıqlar davam etdi. Prosesin gedişində iki Prezident – Vladimir Putin və İlham Əliyev birbaşa əlaqə saxlayaraq əsas məqamları şəxsən müzakirə edirdilər. Daha sonra razılaşdırılmış detallar Xarici İşlər Nazirlikləri vasitəsilə rəsmiləşdirilir, prezidentlərin diqqətinə təqdim olunur və növbəti telefon danışığı həyata keçirilirdi. Həmin gün ərzində çoxsaylı telefon danışıqları baş tutmuşdu”.

Daha ətraflı videomaterialda: