Ermənistan Polisinin rəisi, daxili işlər nazirinin müavini general-mayor Aram Ovannisyan vəzifəsindən azad edilib.

“sirin.az” “Sputnik Ermənistan”a istinadən xəbər verir ki, Ermənistan Baş naziri Nikol Paşinyan bu barədə qərar imzalayıb. 

Bildirilib ki, Ovannisyanın istefaya göndərilməsindən bir neçə dəqiqə əvvəl onun Paşinyanın tələbi əsasında istefa ərizəsi yazması məlum olub.

Qərarın səbəbi isə açıqlanmayıb. 

Qeyd edək ki, A.Ovannisyan 1990-cı illərdən Ermənistanın daxili işlər orqanlarında işləyib, 2023-cü ilin yanvarında isə Ermənistan Polisinin rəisi təyin edilib.