Rusiya Prezidenti Vladimir Putin Qəzza zolağında əsirlikdən azad edilmiş İsrail və Rusiya vətəndaşı Aleksandr Trufanovla görüşüb.

“sirin.az” xəbər verir ki, bu barədə Kremlin saytında məlumat verilib.

Məlumata görə, görüşdə Trufanovun qohumları – anası Yelena və nişanlısı Sapir Koen, həmçinin Rusiyanın baş ravvini Berl Lazar və Rusiya Yəhudi İcmaları Federasiyasının prezidenti Aleksandr Boroda iştirak edib.

Qeyd edək ki, Aleksandr Trufanov 2023-cü ilin oktyabrından HƏMAS-ın əsirliyində olub. Hərəkatın İsrailə hücumundan sonra o, anası, nənəsi İrina Tatti və nişanlısı ilə birlikdə evindən qaçırılıb. Onun atası Vitali Trufanov hücumdan sağ çıxa bilməyib. Qadınlar isə 2023-cü ilin noyabrında azadlığa buraxılıblar.