Kişinyov məhkəməsi prokurorun tələbi ilə Qaqauziyanın rəhbəri Yevgeniya Qutsulun həbs müddətini daha 30 gün uzadıb.

“sirin.az” xəbər verir ki, bu barədə TASS məlumat yayıb.

“Prokuror Adrian Skutarunun Yevgeniya Qutsulun ev dustaqlığının müddətinin iyulun 13-dən 30 gün müddətinə uzadılması ilə bağlı vəsatəti təmin edilib”, - hakim hökmündə deyilir.

Qaqauziya rəhbərinin vəkili Nataliya Bayram bildirib ki, hakimə təzyiq edildiyinə inandığı üçün bu qərara etiraz edəcək.

Xatırladaq ki, Y. Qutsul martın 25-də seçki fondlarının saxtalaşdırılması, qanunsuz maliyyələşdirmə və yalan ifadə vermə işi ilə bağlı saxlanılmışdı.