“Kopenhagen”in qapıçısı Dominik Kotarski UEFA Çempionlar Liqası Liqa mərhələsinin II turunun "Qarabağ"la matçından öncə mətbuat konfransında iştirak edib.

“sirin.az” xəbər verir ki, xorvatiyalı qolkiper onları çətin oyunun gəzlədiyini bildirib:

“Stadionda məşq etdik. Ot örtüyü heç də yaxşı durumda deyil. Amma rəqibimiz də bu stadionda oynayacaq, şərtlər bərabərdir. Sabah bizi çətin oyun gözləyir. Qarabağ olduqca güclü təqibdir. Qalib gəlməyə çalışacağıq”.

Qeyd edək ki, “Qarabağ” – “Kopenhagen” qarşılaşması sabah Tofiq Bəhramov adına Respublika Stadionunda keçiriləcək və saat 20:45-də start götürəcək.