“sirin.az” “Kurir” nəşrinə istinadən xəbər verir ki, naməlum şəxs parlament yaxınlığında aksiya iştirakçılarının qurduğu çadır düşərgəsində atəş açıb. 

Bildirilib ki, o, 57 yaşlı bir nəfəri ayağından yaralayıb, çadırlardan birini yandırıb. 

Polis hadisəni törədən şəxsi saxlayıb. Onun adı açıqlanmasa da, 70 yaşı olduğu qeyd olunub. Yaralı isə xəstəxanaya çatdırılıb və həyatı üçün təhlükə olmadığı qeyd olunub. 

Serbiya Prezidenti Aleksandr Vuçiç isə hadisənin terror aktı olaraq nəzərdən keçirildiyini bildirib.