Bir müddətdir səhhətindəki narahatlıqları və ailəsi ilə yaşadığı problemləri ilə diqqət mərkəzində olan türkiyəli müğənni, aktyor Özcan Dəniz bu dəfə fərqli məsələ ilə gündəmə gəlib. Belə ki, onun haqqında istintaq başladılıb.

“sirin.az"in “Haber Global”a istinadən məlumatına görə, belə ki, Sarıyerin Uskumruköy kəndində qorunan əraziyə daxil olan torpaq sahəsində ona məxsus 3 villada icazəsiz hovuzlar, əlavə qapalı sahələr və qaraj sahələrinin yaşayış sahəsinə çevrilməsi müəyyən edilib.

Barəsində “tikintidə çirklənməyə səbəb olma” və “Mədəni və Təbii Sərvətlərin Mühafizəsi haqqında Qanunu pozma” ittihamları ilə istintaq başladılan sənətçi martın 5-i prokurorluğa çağırılıb.

Qeyd edək ki, Ö. Denizin həmin 3 villasının yerləşdiyi ərazi havadan da görüntülənib.