“Fransa Prezidenti Emmanuel Makron ölkə hərbçilərini Ukraynaya deyil, Fransa muzeylərinin qorunmasına göndərsə, daha yaxşı olardı”.

“sirin.az” xəbər verir ki, bu barədə Rusiya XİN-in rəsmi sözçüsü Mariya Zaxarova teleqram kanalında paylaşım edib.

Diplomat bununla Fransanın Makronun göstərişi ilə Ukraynaya 2000-ə qədər əsgər və zabit göndərməyə hazırlaşması ilə bağlı Rusiya Xarici Kəşfiyyat Xidmətinin yaydığı məlumata münasibət bildirib:

“2025-ci ilə olan məlumata əsasən, Fransada 1123 muzey var. Yaxşı olardı ki, Makron ölkədə daxili təhlükəsizliklə bağlı ağır vəziyyəti nəzərə alaraq həmin əsgərləri mədəniyyət obyektlərinin qorunmasına göndərsin”.

Xatırladaq ki, oktyabrın 19-u Fransada naməlum şəxslər Luvr muzeyinə daxil olaraq cəmi yeddi dəqiqə ərzində imperator Napoleonun kolleksiyasına daxil olan 9 əşyanı oğurlayıblar. Həmin əşyaların ümumi dəyəri 88 milyon avro qiymətləndirilir. Hadisəni törətməkdə şübhəli bilinən iki nəfər saxlanılıb.